Lierra Ann

Si Julie Antipala Mongado o mas kilala sa tawag na Lierra, nasa hustong gulang at naninirahan sa Trento, Agusan del Sur at nakatapos ng kursong pang-inhinyero. Pagguhit at pagsusulat ng iba’t ibang paksa ang kanyang libangan. Sa edad na sampu ay nagsusulat na siya, kaya mula noon ay nangangarap na siyang balang araw ay magkaroon siya ng sariling aklat at mailimbag ang kanyang akda.

Hanggang ngayon ay aktibo pa rin siya sa pagsusulat, kahit na ilang beses man siyang na-reject ngunit hindi pa rin siya nawawalan ng pag-asa at patuloy pa rin siya sa pagsusulat para sa pangarap. Hindi siya titigil sa pagsusulat pagkat naniniwala siyang maraming mga salitang nasa imahnasyon ang pwedeng maisulat para maging leksiyon sa reyalidad.