The Biringan Treasure | Kris S. Alarde

Bata pa lamang, nagustuhan na si Melinda ng isang prinsipe ng mga maligno na nainirahan sa Sierra Madre. Binantayan, inalagaan at binigyan ng mga mararangyang regalo at hinihintay lamang na ganap na siya ay maging dalaga. Ang kanyang ama, isang magaling na albularyo ang humadlang sa kagustuhan ng maligno at siyang naglayo sa anak sa baryo hanggang sa napadpad ito sa Maynila. Namuhay si Melinda sa lungsod nang normal pero hanggang kailan niya matatakasan ang malignong matagal nang naghintay upang ganap siyang maging Reyna ng Biringan?