Kanto Dreams | Kenth Carlo Timan | Literary Fiction

Description

Para sa karamihan, si Joaquin ay isa lang sa mga kabataang palaging nakatambay sa kanto, walang malinaw na patutunguhan, at tila walang ginagawa sa buhay. Pero ang hindi nila alam, bago pa man sumikat ang araw, gising na siya para magbuhat ng tubig sa karinderya. Sa gabi, habang nagpapahinga na ang iba, siya’y naglilinis ng mga pinggan sa maliit na kainan sa dulo ng eskinita.

Sa lungsod ng Sagana, kung saan ang ingay ay kalaban ng katahimikan at ang panghuhusga ay nauuna kaysa sa pag-unawa, patuloy siyang lumalaban. Sa murang edad, natutunan niyang kumapit sa mga pangarap na madalas ituring na imposible Gutom man ang tiyan at pagod ang katawan, hindi siya bumibitaw sa paniniwala, na darating din ang araw na makakalaya siya sa siklo ng paghihirap.

Pero sa isang mundong tila walang puwang para sa gaya niyang nangangarap, may halaga pa ba ang pagpupursige?