Huni: Mga Balak Nga Naga-awit | E.B. Semaña

Description

“Sama sa kalanggaman, ikaw adunay huni.”

“Gaya ng mga ibon, ikaw ay may huni.”

Ang aklat na HUNI: Mga Balak Nga Naga-awit o sa wikang Tagalog ay HUNI: Mga Tulang Umaawit ay isang koleksyon ng mga tulang naglalarawan sa pang-araw-araw na pamumuhay ng may-akda at ito’y nakasulat sa tatlong lengguwahe—Cebuano, Tagalog, at wikang Ingles.

Ang mga tulang napapaloob sa aklat ay naglalaman din ng mga gabay kung paano lunasan o kung paano dapat tingnan ng isang tao ang kanyang hinaharap na mga suliraning pansarili o/at panlipunan. Nakapaloob din sa aklat na ito ang matapang na opinyon ng may-akda hinggil sa mga usaping politikal na labis na nakakaapekto sa mamamayan na sa tingin niya ay dapat na bigyang solusyon ng mga nasa kinauukulan.

Ang layunin ng aklat ay bigyang diin at ipaalala sa mambabasa na ang bawat huni ng tao ay may saysay at dapat na marinig ng lahat upang maging gabay sa pagpapayabong ng sarili at ng lipunang kanyang kinabibilangan.