Hindi Ko Sasabihin | Jemicah Alvarez | Novella

Description

Kung may competition sa pagalingan ng pagtatago ng nararamdaman ay pwedeng ilaban ang batang si Maymay.

Madalas siyang tanungin kung bakit kahit simpleng salita ay nahihirapan siyang sabihin. Bihirang bumangka sa kwento. Madalas ay nakakulong sa kwarto. Hindi siya bingi at lalong hindi siya pipi. Normal siya pero pakiramdam ng iba ay may mali sa kanya na kailangang itama. Para sa kanila isang sakit ang kanyang pananahimik na kailangang agapan at gamutin.

Ito ang kwento ni Maymay at ang kaniyang paghahanap ng kasagutan tungkol sa karamdamang nagdulot sa kaniyang pamilya ng kahirapan at kabigatan. Ito ang mga sikreto na mahigit isang dekadang niyang ibinaon sa nakaraan. Lahat ay pwedeng ibaon ngunit hindi lahat ay nabubulok at nagiging kaisa ng lupa.