Hagaran 2: Si Felisa at ang Itim na Orkidya | Francisco Arias Monteseña

Description

Naging matagumpay ang paghahanap ng mga batong bumuo sa kuwintas ng diwatang si Marilag kaya’t nalunasan ang sakit ng punong si Izrael.

Sa sumunod na bahagi ay ang pagtalima muli ng mga mamamayan ng Laguense sa bagong hamon ng paligsahang Hagaran. Ngayon naman ay kailangang mahanap ang Orkidyang itim sa pusod ng gubat at maiuwi na naroon pa ang bango na kayang magbigay ng anumang hilingin gaano man ito kaimposible. Mas bukas sa marami ang kompetisyon dahil may mga tinanggap na babae. Nangunguna pa rin ang magkaibigang Pablo at Isaac na kababalik lamang mula sa pag-aaral para maging manggagamot. Ngunit mas may higit na dahilan ang kaniyang paglahok. Nakaamba ang bagong panganib na magmumula sa kaniyang lahi.