Ang Henealohiya ng Pagkalimot | Danilo Niño Rodas Calalang

Description

Sa pananaw ng mga maliliit na tao. Sa ganito ipinadaloy ang mga kuwento sa aklat na ito; bagay na mainam dahil karamihan at nauuso sa mga naratibo ngayon ay gawing personal ang halos lahat ng punto de vista, na, ang persona sa mga nauusong ito ay karaniwang petiburgis, at amoy-akademiya. Maliliit din ang pinag-usbungan ng mga naratibo ngunit sinadya upang maipakita ang mas malawak na danas sa lipunan.
– Reuel Molina Aguila, PhD
Manunulat, Propesor, Unibersidad ng Pilipinas

Articulates an interplay between memory and selfhood probing how these constructs influence individual and collective identities within a socio-cultural framework. His short fiction—particularly ‘Angustia,’ ‘Bagahe ng Isang Sundalo,’ and ‘Ang Republika Matapos ang Rebolusyon’—provides insights into the human condition outside the Philippine metropolitan center.
– Jose Wendell Capili, PhD
Manunulat, Propesor
Unibersidad ng Pilipinas

Contemporary literary-political fiction ang ‘Ang Henealohiya ng Pagkalimot.’ Nakakagimbal ang mga pagbubunyag ng karaniwang kuwento ng panunupil na binabalot ng relihiyon at kapangyarihan. Malinaw na hindi pinipili ng bawat indibidwal sa lipunan ang kanilang mga disposisyon at desisyon.
– Marco Antonio Regalo Rodas, PhD
Quezonian, Propesor
Alagad ng Sining at Manunulat

Sinalungguhitan ni Danilo Calalang ang paggamit ng lunan bilang looban na nagtatanghal ng pag-iisip, puso at mga intensyon;
Ang panganay na librong ito ni Danilo Calalang ay hindi na lamang naglalabas ng looban sa mga taga-labasan. Iniimbita na tayo nitong makipamuhay sa mga taga-looban upang mas makilala ang kiwal at angas ng mga kontradiksyon ng ating pagkatao.
– Ferdinand Pisigan Jarin, PhD
Propesor
Awtor ng Anim na Sabado ng Beyblade at iba pang Sanaysay