Rainbow and Sunshine | Patricia Miguelle Castillo | Novella

Description

Mga ferris wheel na patuloy ang pag-ikot, unti-unting nagiging makulat sa madilim na gabi. Dagdagan pa ang mga palaro na kay daming premyong maaaring mapanalunan. Maghahagis lang ng bola, magpapaputok ng lobo, maghuhulog ng mga bilog sa leeg ng bote, at manghuhula kung saang numero tatama ang pato. Kay dami ring mga nagtitinda ng pagkain-siomai, hotdog, barbeque, mani, palamig at ang paborito kong cotton candy. Gabi-gabi ganyan ang eksena rito sa eskenita kung saan nakatayo ang perya, kung saan ako nakatira.

Ako si Sunny, at ito ang walang kulay kong kwento hindi katulad ng peryang ito.